ՅՈւՆԵՍԿՕ-ի Համաշխարհային ժառանգության կոմիտեի 46-րդ նիստի շրջանակներում կազմակերպված «Art that Reinstates Friendship: Ajanta Revisited in Armenia» խորագրով հարակից միջոցառում

23 հուլիսի, 2024

2024թ. հուլիսի 23-ին Հնդկաստանում ՀՀ դեսպանությունը, Հայաստանի և Հնդկաստանի ԱԳ նախարարությունների, ինչպես նաև ՅՈւՆԵՍԿՕ-ում ՀՀ մշտական ներկայացուցչության հետ համագործակցությամբ, առաջին անգամ Նյու Դելիում անցկացվող ՅՈւՆԵՍԿՕ-ի Համաշխարհային ժառանգության կոմիտեի 46-րդ նիստի շրջանակներում կազմակերպել է «Art that Reinstates Friendship: Ajanta Revisited in Armenia» խորագրով հարակից միջոցառումը:

Հայաստանի ազգային պատկերասրահում առկա Հնդկաստանի Աջանտայի քարանձավների որմնանկարների հայազգի անվանի նկարիչ Սարգիս Խաչատուրյանի 1930-ականների կտավների կրկնօրինակների ցուցադրության բացմանը Հնդկաստանում ՀՀ դեսպան Վահագն Աֆյանն իր խոսքում նշել է, որ նման նախաձեռնության ուղղությամբ քննարկումներ և աշխատանքներ են սկսվել տարվել՝ երկու երկրների ԱԳ նախարարների 2021թ. Երևանում կայացած հանդիպումից ի վեր:

ՅՈւՆԵՍԿՕ-ում ՀՀ մշտական ներկայացուցիչ Արամ Հակոբյանն իր խոսքում շնորհակալություն է հայտնել Հնդկաստանի կառավարությանը Համաշխարհային ժառանգության կոմիտեի նստաշրջանի և ցուցադրության կազմակերպման աջակցության համար՝ ընդգծելով, որ մշակութային ժառանգությունը հանդիսանում է որպես ժողովուրդներին միավորող կամուրջ՝ անկախ աշխարհագրական հեռավորությունից, լեզվական կամ կրոնական առանձնահատկություններից:

ՅՈւՆԵՍԿՕ-ում Հնդկաստանի մշտական ներկայացուցիչ Վիշալ Վ. Շարման միջոցառմանն իր խոսքում հանգամանալից անդրադարձել է հայ-հնդկական մշակութային վաղեմի և ներկայիս կրթագիտական փոխգործակցությանն ու դինամիկ զարգացող երկկողմ հարաբերությունների կարևորությանը:

Միջոցառմանը ներկա էին Հնդկաստանում և ՅՈւՆԵՍԿՕ-ում հավատարմագրված դիվանագիտական առաքելությունների ղեկավարներ, դիվանագետներ, ինչպես նաև Հնդկաստանի հայ համայնքի ներկայացուցիչներ, Հայաստանի ազգային պատկերասրահի դեկորատիվ-կիրառական արվեստի բաժնի վարիչ Սաթենիկ Չուգասզյանը մանրամասներ է ներկայացրել հայազգի նկարչի Հնդկաստանում ծավալած գործունեության և ստեղծագործությունների մասին:

ՅՈւՆԵՍԿՕ-ի Համաշխարհային ժառանգության կոմիտեի 46-րդ նիստի շրջանակներում ներկայացված Հայաստանի տաղավարը, որում ցուցադրված են հեղինակի կտավների կրկնօրինակները կգործի մինչև նստաշրջանի աշխատանքների ավարտը:

https://www.facebook.com/armembind/posts/pfbid04VWk9hNi4DADNh526FN4sXxT1Sfwh3ikkUxEYmfjhpWV791bVTvRwX9spdehBo7el

https://escs.am/am/news/23590?fbclid=IwY2xjawHrwExleHRuA2FlbQIxMAABHTk3WPH7UgrQaly23isicH4hCkD7yY3uaA7M6e-eoLMbe5NE1RIi7HY97g_aem_ZBNvTbE-OXkOATHL09wvRQ

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր